პარტნიორობა, რომელიც ქმნის ღირებულებას

თანამშრომლობა CERMA-სთან :
CERMA-სა და საქართველოს რითეილ ასოციაციის თანამშრომლობა ქმნის პირდაპირ კავშირს ცირკულარული ეკონომიკის შესაძლებლობებსა და რითეილ სექტორის პრაქტიკულ საჭიროებებს შორის. პარტნიორობის ფარგლებში ასოციაციის წევრ ბიზნესებს შეუძლიათ მიიღონ CERMA-ს პროფესიული მხარდაჭერა გარემოსდაცვითი რეგულაციების, ნარჩენებისა და რესურსების მართვის, ESG-ისა და ცირკულარული ბიზნეს პრაქტიკის მიმართულებით, ჩაერთონ თემატურ შეხვედრებსა და ერთობლივ ინიციატივებში და ისარგებლონ CERMA-ს პარტნიორული ეკოსისტემის შესაძლებლობებით.

თანამშრომლობა CERMA-სთან :
EECG CERMA-ს პარტნიორულ ეკოსისტემას აძლიერებს ენერგოეფექტურობისა და რესურსეფექტურობის მიმართულებით. თანამშრომლობა CERMA-სთან ასოცირებულ ბიზნესებს აძლევს შესაძლებლობას მიიღონ წვდომა ცენტრის პროფესიულ კომპეტენციაზე — მათ შორის ენერგოეფექტურობის შეფასებასა და აუდიტზე, ენერგიის მოხმარების ოპტიმიზაციაზე, განახლებადი ენერგიისა და რესურსეფექტური გადაწყვეტილებების მიმართულებით — და ჩაერთონ შესაბამის პროგრამებსა და ერთობლივ ინიციატივებში.

თანამშრომლობა CERMA-სთან :
უსაფრთხოების აკადემია CERMA-ს ეკოსისტემაში პროფესიული განათლებისა და კომპეტენციების განვითარების პარტნიორია. თანამშრომლობის ფარგლებში CERMA-ს წევრებს სპეციალური პარტნიორული პირობებით შეუძლიათ ისარგებლონ აკადემიის პროფესიული პროგრამებითა და ტრენინგებით გარემოს დაცვის, ნარჩენების მართვის, გარემოსდაცვითი შესაბამისობის, შრომის უსაფრთხოების, ESG-ისა და ბიზნესისთვის მნიშვნელოვანი სხვა მიმართულებებით.

თანამშრომლობა CERMA-სთან :
ECOMONDO ევროპისა და ხმელთაშუა ზღვის რეგიონში მწვანე და ცირკულარული ეკონომიკის წამყვანი საერთაშორისო პლატფორმაა, რომელიც აერთიანებს ბიზნესს, ტექნოლოგიებისა და ინოვაციების მიმწოდებლებს, პროფესიულ და სექტორულ ორგანიზაციებს, აკადემიურ წრეებსა და საჯარო ინსტიტუტებს.

რეგიონული პარტნიორობის ფარგლებში ქართულ ბიზნესს CERMA-ს გავლით ეძლევა შესაძლებლობა ისარგებლოს ECOMONDO-ს საერთაშორისო პლატფორმით — გაეცნოს ნარჩენებისა და რესურსების მართვის, გადამუშავების, წყლის, ბიოეკონომიკისა და სხვა მწვანე მიმართულებების თანამედროვე ტექნოლოგიებსა და ინდუსტრიულ გადაწყვეტილებებს, დაამყაროს მიზნობრივი B2B კავშირები და მოძებნოს ახალი ტექნოლოგიური და ბიზნეს პარტნიორები.

თანამშრომლობა CERMA-სთან :
ECOMED არის გარემოსდაცვითი და მდგრადობის პროფესიული სერვისების მიმწოდებელი, რომლის საქმიანობა მოიცავს გარემოსდაცვით ნებართვებსა და შეფასებებს, გარემოსდაცვით და სოციალურ მართვის სისტემებს, ნარჩენების მართვას, ენერგეტიკულ ტრანზიციას, კლიმატისა და მდგრადობის საკითხებს.

CERMA-სთან პარტნიორობა ქართულ ბიზნესს აძლევს წვდომას ECOMED-ის საერთაშორისო გამოცდილებასა და პროფესიულ სერვისებზე, განსაკუთრებით ევროპულ გარემოსდაცვით მოთხოვნებთან და სტანდარტებთან შესაბამისობის, ნებართვების, გარემოსდაცვითი და სოციალური რისკების მართვისა და მდგრადობის გადაწყვეტილებების მიმართულებით. პარტნიორობა ასევე ქმნის შესაძლებლობას ერთობლივი პროექტების, პროფესიული ტრენინგებისა და ევროპულ პარტნიორებთან ბიზნეს კავშირების განვითარებისთვის.

თანამშრომლობა CERMA-სთან :
CirculUP! სომხეთში ცირკულარული ეკონომიკის განვითარებაზე ორიენტირებული ინიციატივაა, რომელიც მუშაობს ცირკულარული მეწარმეობის, ბიზნესისა და სამოქალაქო საზოგადოების შესაძლებლობების გაძლიერების, ინკუბაციისა და აქსელერაციის, განათლებისა და ცნობიერების ამაღლების მიმართულებით.

CERMA-სა და CirculUP!-ის თანამშრომლობა აძლიერებს საქართველოსა და სომხეთს შორის რეგიონულ კავშირებს ცირკულარული ეკონომიკის სფეროში. ორგანიზაციები ერთმანეთს უზიარებენ პრაქტიკულ გამოცდილებას, კვლევებსა და ინსტრუმენტებს, ხელს უწყობენ ბიზნესებსა და პროფესიულ ქსელებს შორის თანამშრომლობას და ქმნიან საფუძველს ერთობლივი რეგიონული ინიციატივებისთვის. CirculUP!-ის გამოცდილება განსაკუთრებით ღირებულია ცირკულარული მეწარმეობის, მცირე და საშუალო ბიზნესის ტრანსფორმაციისა და ინოვაციური ბიზნეს მოდელების განვითარების მიმართულებით.