საერთაშორისო პარტნიორები

თანამშრომლობა CERMA-სთან :
ECOMONDO ევროპისა და ხმელთაშუა ზღვის რეგიონში მწვანე და ცირკულარული ეკონომიკის წამყვანი საერთაშორისო პლატფორმაა, რომელიც აერთიანებს ბიზნესს, ტექნოლოგიებისა და ინოვაციების მიმწოდებლებს, პროფესიულ და სექტორულ ორგანიზაციებს, აკადემიურ წრეებსა და საჯარო ინსტიტუტებს.

რეგიონული პარტნიორობის ფარგლებში ქართულ ბიზნესს CERMA-ს გავლით ეძლევა შესაძლებლობა ისარგებლოს ECOMONDO-ს საერთაშორისო პლატფორმით — გაეცნოს ნარჩენებისა და რესურსების მართვის, გადამუშავების, წყლის, ბიოეკონომიკისა და სხვა მწვანე მიმართულებების თანამედროვე ტექნოლოგიებსა და ინდუსტრიულ გადაწყვეტილებებს, დაამყაროს მიზნობრივი B2B კავშირები და მოძებნოს ახალი ტექნოლოგიური და ბიზნეს პარტნიორები.

თანამშრომლობა CERMA-სთან :
ECOMED არის გარემოსდაცვითი და მდგრადობის პროფესიული სერვისების მიმწოდებელი, რომლის საქმიანობა მოიცავს გარემოსდაცვით ნებართვებსა და შეფასებებს, გარემოსდაცვით და სოციალურ მართვის სისტემებს, ნარჩენების მართვას, ენერგეტიკულ ტრანზიციას, კლიმატისა და მდგრადობის საკითხებს.

CERMA-სთან პარტნიორობა ქართულ ბიზნესს აძლევს წვდომას ECOMED-ის საერთაშორისო გამოცდილებასა და პროფესიულ სერვისებზე, განსაკუთრებით ევროპულ გარემოსდაცვით მოთხოვნებთან და სტანდარტებთან შესაბამისობის, ნებართვების, გარემოსდაცვითი და სოციალური რისკების მართვისა და მდგრადობის გადაწყვეტილებების მიმართულებით. პარტნიორობა ასევე ქმნის შესაძლებლობას ერთობლივი პროექტების, პროფესიული ტრენინგებისა და ევროპულ პარტნიორებთან ბიზნეს კავშირების განვითარებისთვის.

თანამშრომლობა CERMA-სთან :
CirculUP! სომხეთში ცირკულარული ეკონომიკის განვითარებაზე ორიენტირებული ინიციატივაა, რომელიც მუშაობს ცირკულარული მეწარმეობის, ბიზნესისა და სამოქალაქო საზოგადოების შესაძლებლობების გაძლიერების, ინკუბაციისა და აქსელერაციის, განათლებისა და ცნობიერების ამაღლების მიმართულებით.

CERMA-სა და CirculUP!-ის თანამშრომლობა აძლიერებს საქართველოსა და სომხეთს შორის რეგიონულ კავშირებს ცირკულარული ეკონომიკის სფეროში. ორგანიზაციები ერთმანეთს უზიარებენ პრაქტიკულ გამოცდილებას, კვლევებსა და ინსტრუმენტებს, ხელს უწყობენ ბიზნესებსა და პროფესიულ ქსელებს შორის თანამშრომლობას და ქმნიან საფუძველს ერთობლივი რეგიონული ინიციატივებისთვის. CirculUP!-ის გამოცდილება განსაკუთრებით ღირებულია ცირკულარული მეწარმეობის, მცირე და საშუალო ბიზნესის ტრანსფორმაციისა და ინოვაციური ბიზნეს მოდელების განვითარების მიმართულებით.

თანამშრომლობა CERMA-სთან :
e-Circular მოლდოვაში მოქმედი ორგანიზაციაა, რომელიც ცირკულარული ეკონომიკის განვითარებას აერთიანებს გარემოსდაცვით შესაბამისობასთან, პროფესიულ განათლებასთან, კვლევასა და ბიზნესის მხარდაჭერასთან. მისი საქმიანობა ორიენტირებულია კომპანიებისთვის პრაქტიკული ცირკულარული გადაწყვეტილებებისა და რესურსებისა და ნარჩენების ეფექტიანი მართვის მიდგომების განვითარებაზე.

CERMA-სა და e-Circular-ის თანამშრომლობის მნიშვნელოვანი ღირებულებაა საქართველოსა და მოლდოვას გამოცდილების გაზიარება ევროკავშირთან დაახლოებისა და გარემოსდაცვით და ცირკულარული ეკონომიკის მოთხოვნებთან ბიზნესის ადაპტაციის პროცესში. თანამშრომლობა ქართულ ბიზნესს აძლევს წვდომას მოლდოვაში დაგროვილ პრაქტიკულ გამოცდილებაზე, პროფესიულ ცოდნასა და ინსტრუმენტებზე და ქმნის შესაძლებლობას ერთობლივი რეგიონული პროექტებისა და ბიზნეს გადაწყვეტილებების განვითარებისთვის.

თანამშრომლობა CERMA-სთან :
Circular Economy Alliance (CEA) არის საერთაშორისო ცოდნისა და პროფესიული განვითარების ჰაბი, რომელიც აერთიანებს ცირკულარული ეკონომიკის უახლეს ცოდნას, საერთაშორისო საუკეთესო პრაქტიკას, პროფესიულ პროგრამებს, სერტიფიცირებას და ბიზნესის ტრანსფორმაციის პრაქტიკულ ინსტრუმენტებს.

CEA-სთან პარტნიორობის ფარგლებში CERMA-ს აქვს ექსკლუზიური შესაძლებლობა, CEA-ს ცოდნა, პროფესიული რესურსები და საერთაშორისო საუკეთესო პრაქტიკა CERMA-ს პლატფორმის მეშვეობით ხელმისაწვდომი გახადოს ქართული ბიზნესისთვის და გამოიყენოს მათი ცირკულარული ტრანსფორმაციისა და განვითარების მხარდასაჭერად. პარტნიორობა CERMA-ს ეკოსისტემას უკავშირებს საერთაშორისო მეთოდოლოგიებს, სასწავლო რესურსებსა და პროფესიულ ქსელს და აფართოებს ქართული ბიზნესის წვდომას მაღალი ხარისხის ცირკულარული ეკონომიკის ცოდნასა და პრაქტიკულ ინსტრუმენტებზე.