მდგრადობის მეცნიერების აკადემია (SSA) წარმოადგენს არაფორმალური განათლების პლატფორმას, რომელიც მდგრადი განვითარების მიმართულებით ცოდნის გავრცელებასა და პროფესიული კომპეტენციების გაძლიერებას ემსახურება. აკადემია 2023 წლიდან ოპერირებს საქართველოში და დაინტერესებულ საზოგადოებას სთავაზობს სასერტიფიკატო პროგრამებს ისეთ მიმართულებებში, როგორიცაა მდგრადი არქიტექტურა, რეგენერაციული აგროკულტურა, ნარჩენების მართვა, განახლებადი ენერგია, გარემოსდაცვითი უფლებები და სხვა.

SSA ხელს უწყობს მდგრადობის სფეროში ცოდნის გავრცელებას, პროფესიული კომპეტენციების განვითარებასა და თანამედროვე პრაქტიკის დანერგვას საქართველოში.

როგორც CERMA-ს ასოცირებული წევრი, SSA აძლიერებს ასოციაციის ეკოსისტემაში ცოდნისა და პროფესიული განვითარების მიმართულებას. თანამშრომლობის ფარგლებში CERMA-ს წევრებს შესაძლებლობა აქვთ, სპეციალური პარტნიორული პირობებით ისარგებლონ აკადემიის სასერტიფიკატო პროგრამებით, გაიღრმაონ პროფესიული კომპეტენციები და ჩაერთონ ცოდნის გაზიარებისა და მდგრადი განვითარების პრაქტიკული გამოცდილების განვითარების პროცესში.