პარტნიორის შესახებ
CirculUP! სომხეთში ცირკულარული ეკონომიკის განვითარებაზე ორიენტირებული ინიციატივაა, რომელიც მუშაობს ცირკულარული მეწარმეობის, ბიზნესისა და სამოქალაქო საზოგადოების შესაძლებლობების გაძლიერების, ინკუბაციისა და აქსელერაციის, განათლებისა და ცნობიერების ამაღლების მიმართულებით.
CERMA-სა და CirculUP!-ის თანამშრომლობა აძლიერებს საქართველოსა და სომხეთს შორის რეგიონულ კავშირებს ცირკულარული ეკონომიკის სფეროში. ორგანიზაციები ერთმანეთს უზიარებენ პრაქტიკულ გამოცდილებას, კვლევებსა და ინსტრუმენტებს, ხელს უწყობენ ბიზნესებსა და პროფესიულ ქსელებს შორის თანამშრომლობას და ქმნიან საფუძველს ერთობლივი რეგიონული ინიციატივებისთვის. CirculUP!-ის გამოცდილება განსაკუთრებით ღირებულია ცირკულარული მეწარმეობის, მცირე და საშუალო ბიზნესის ტრანსფორმაციისა და ინოვაციური ბიზნეს მოდელების განვითარების მიმართულებით.
